Met de zummer nog in ’t verschiet wordt der op veul steeën al weer drok warkt an het winterprogramma. Tied um invulling te geven an een gezellige mörgen, middag of aovond veur de verschillende verenigingen, clubs of verzörgingshoezen in oonze gemeente.
De Streektaolambassadeur en zien vrijwilligers in de gemeente Aa en Hunze kunt je hierbij helpen deur ’t geven van een ‘BROESCURSUS DRÈENTS`. In dit spel kuj laoten zeen en heuren hoe groot je kennis is van het Drèents op allerlei terreinen, zoas bezundere Drèentse woorden en olde veurwarpen. In een ongedwungen sfeer kuj dit met een groep mèensen speulen.
Nei is het kommend jaor de aanvulling, waorbij we mooie gedichten veurdraogt of kan der een verhaol verteld worden. Dit allemaol in oonze Drèentse Taol.
Is de groep van Streektaolvrijwilligers al is een maol bij je west? Je kunt ze gerust weer vraogen met heur programma dat in ‘een nei jassie’ steuken is. Ofspraok maoken?
Nim contact op met de Streektaolambassadeur Jan Hartlief.
VRIJWILLIGER WORDEN?
Liekt het je wat um je an te sluten bij dizze groep die de streektaol zo nao an het hart lig?
Wij bint nog op zeuk naor een actieve Drent oet de veenkoloniaole kaant van Aa en Hunze, Koj oet een aandere hook van de gemeente, bi’j zeker ok van harte welkom! Zin um an te sluten? Veur infermaotie kuj terecht de Streektaolambassadeur in Aa en Hunze,
Jan Hartlief: 06-46325905 of jghartlief@ziggo.nl