Aal jaor zöch het Huus van de Taol een Mooiste Drentse Woord. Dat döt de streektaolorganisatie um de taolige riekdom van het Drents te laoten zien. Dit jaor bint het woorden oet het project ‘Heksen en Blauwvarven’ waoraj oet kiezen kunt. Op dizze tien woorden kan van 16 december tot an 22 december stemd worden:
Grommen: zachies sneien
Kribben: roezie maken
Betuun: schaars
Körs: körtleden
Dauweln: treuzeln
Singelier: vrömd, bezunder
Feduzie: vertrouwen
Verdan: verder, veuroet, in het vervolg
Sikkom: bijna, ongeveer
Sibbe: breurs en zussen
Stemmen op het mooiste woord kan tot en met 22 december 12.00 uur op www.huusvandetaol.nl/mooistedrentsewoord.
Op 23 december is bij Radio Drenthe te heuren welk woord het mooiste Drentse woord van 2022 is. Van alle stemmers wordt er drei beloond met een schier priezenpakket van het Huus van de Taol.
Bron: Schakel.info